Webծիրան համահայկական առցանց կինոփառատոնի հաղթողները հայտնի են

/

27-ը հունվարի, 2012թ., Երևան, Հայաստան: ՎիվաՍել-ՄՏՍ-ը` «ՄՏՍ» ԲԲԸ դուստր ձեռնարկությունը, տեղեկացնում է, որ «WebԾիրան» համահայկական առցանց կինոփառատոնի արդյունքներն ամփոփվել են:

/

Մասնագիտական ժյուրիի (Արա Խանջյան, կինոգետ Սիրանույշ Գալստյան, լրագրողներ` Գոհար Հակոբյան, Կարինե Ռաֆայելյան: Ժյուրիի նախագահ՝ կինոգետ Միքայել Ստամբոլցյան) որոշմամբ մրցանակների են արժանացել հետևյալ ֆիլմերը. գլխավոր մրցանակը նվաճեց (1000 ԱՄՆ դոլարին համարժեք դրամ) «Աշնան արև» ֆիլմը (ռեժ. Դիանա Կարդումյան): Հատուկ մրցանակը տրվեց (500 ԱՄՆ դոլարին համարժեք դրամ) «Հատվող ճակատագրերի հանգրվանը» ֆիլմին (ռեժ. Արսեն Այրապետյան): Խրախուսական մրցանակներ են ստացել «Թեթև հպում» (ռեժ. Նարե Մկրտչյան), «Նախշոյի դպրոցը» (ռեժ. Գոհար Խաչատրյան), «Էն ուրիշ Ֆրունզիկը» (ռեժ. Հովհաննես Պապիկյան), «Օգնիր նրանց հիմա» (ռեժ. ԱրտՆերսես), «Bye-Bye» (ռեժ. Արեգ Մկրտչյան, Հրայր Լազյան, Աշոտ Հարությունյան) ֆիլմերին:

/

«WebԾիրան» համահայկական առցանց կինոփառատոնը մեկնարկել էր 2011թ. նոյեմբերի 15-ին` «Ոսկե ծիրան» միջազգային կինոփառատոնի և Webtv.am ինտերնետ հեռուստատեսության նախաձեռնությամբ: Փառատոնի հովանավորը ՎիվաՍել-ՄՏՍ-ն է:

/

«Զարգացող աշխարհում անխուսափելի է ժամանակակից տեխնոլոգիաների ներթափանցումը նաև մշակույթի բնագավառ, ինչը ողջունելի է և խրախուսում է տաղանդի բացահայտմանը: Տեխնոլոգիական լուծումների կիրառումը, տվյալ պարագայում ինտերնետը, ստեղծագործողին թույլ է տալիս առանց նյութական մեծ ռեսուրսներ օգտագործելու` իր ասելիքը հասցնել լայն հասարակությանը: Չափազանց կարևոր գործոն, ինչի կարիքն ունեն կինոարվեստն ու սկսնակ ստեղծագործողները: Շնորհավորում եմ նորարարական այս փառատոնի հաղթողներին և հույսով եմ, որ այս հաղթանակը լուրջ ազդակ կհանդիսանա, որպեսզի հաղթող ճանաչված ռեժիսորները հասնեն ավելի մեծ հաջողությունների»,-նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Կինոփառատոնի ընթացքում ցուցադրվել է տարբեր ժանրերի 49 ֆիլմ: Ավելի քան մեկ ամսում, ներկայացված ֆիլմերը դիտել են 42.032 անգամ:

/

«WebԾիրան» համահայկական կինոփառատոնին մասնակցելու հնարավորություն էր տրված Հայաստանում և արտերկրում ապրող հայ կինոռեժիսորների: Մրցույթին կարող էին ներկայացվել մինչև 20 րոպե տևողությամբ, առանց ժանրային սահմանափակումների, ցանկացած տեխնիկական միջոցով նկարահանված ֆիլմեր:

/

/

/

Ժյուրիի անդամների գնահատականները և ընդհանուր արդյունքները

/

/

/

Նշենք որ 2 ‘+’ դեպքում ավելացվում է մեկ միավոր, իսկ 2 ‘-’ պակասեցվում է 1 միավոր

/

/

27.01.2012

/

/

/

WebԾիրան առաջին համահայկական օնլայն կինոփառատոն

/

/

Ավարտվեց Ոսկե ծիրան միջազգային կինոփառատոնի եւ Webtv.am ինտերնետ հեռուստատեսության նախաձեռնությամբ, ՎիվաՍել-ՄՏՍ ընկերության հովանավորությամբ ս.թ. նոյեմբերի 15-ին մեկնարկած WebԾիրան առաջին համահայկական առցանց կինոփառատոնը:

/

WebԾիրան առաջին համահայկական առցանց կինոփառատոնի ընթացքում ցուցադրվեց տարբեր ժանրերի 49 ֆիլմ: Ֆիլմերից մեկը հեղինակի ցանկությամբ դուրս բերվեց մրցույթից:

/

Սահմանված էր 2 մրցանակ՝ 1000 ԱՄՆ և 500 ԱՄՆ դոլարին համարժեք դրամի չափով: Հիմնադիրների որոշմամբ, մրցանակները տրվելու էին ինտերնետ քվեարկության արդյունքում ամենաշատ ձայն ստացած ֆիլմերին:

/

Փառատոնի ողջ ընթացքում` նոյեմբերի 15-ից մինչեւ դեկտեմբերի 21-ը ներառյալ` 37 օրում, փառատոնին ներկայացված 49 ֆիլմերը դիտել են 42.032 անգամ` 1136 դիտում յուրաքանչյուր օրվա ընթացքում:

/

Այս ամենով հանդերձ, Փառատոնի հիմնադիրների որոշմամբ, դեկտեմբերի 25-ին նախատեսված մրցանակաբաշխությունը, որի ընթացքում պետք է հանձնվեին Փառատոնի մրցանակները, կհետաձգվի: Պատճառն այն է, որ ինտերնետ քվեարկութունների ընթացքում ինչպես ֆիլմերի հեղինակների, այնպես էլ ենթադրյալ երկրպագուների կողմից ծրագրավորման տեխնիկական միջոցներով տեղի են ունեցել որոշակի տեխնոլոգիական միջամտություններ քվեարկության գործընթացին, որոնք արձանագրված են webtv.am ինտերնետ հեռուստատեսության կողմից:

/

Մեկ անգամ եւս քվեարկության արդյունքների տեխնիկական արձանագրությունների հանգամանալից ուսումնասիրությունից հետո, փառատոնի կազմակերպիչները, պահպանելու համար արդարության սկզբունքը, էական խախտումներ հայտնաբերելու դեպքում կորոշեն չեղյալ համարել ինտերնետային քվեարկությունը, և հաղթողները կորոշվեն մասնագիտական ժյուրիի քվեարկության արդյունքում:

/

Արդյունքների մասին կտեղեկացվեն ինչպես Փառատոնի մասնակից ֆիլմերի հեղինակները, այնպես էլ հանրությունը, իսկ մասնագիտական խմբի ուսումնասիրության արդյունքները կհայտարարվեն եւ մրցանակաբաշխությունը տեղի կունենա 2012 թ-ի հունվարի 27-ին:

/

23.11.2012