Մեր մասին

www.webtv.am-ը ինտերնետ հեռուստատեսություն է

Մենք հեռուստատեսություն ենք ինտելեկտով, շարժունակ, ակտիվ կենսակերպով, քաղաքացիական դիրքորոշումներով, կայացած, ինքնահաստատված, կյանքի նկատմամբ հետաքրքրությունը չկորցրած, հաջողակ, աշխատանքով զբաղված, վճարունակ, թերարժեքության բարդույթներ չունեցող, իրենց ոլորտներում պրոֆեսիոնալ եւ պոզիտիվ մարդկանց համար:

Մեր նշանաբանն է.  Հեռուստատեսություն Ձեզ հետ` ամենուր կամ Քո tv-ն` քո հետ…

Մեզ նայելու համար պարտադիր չէ ամեն գնով ինչ որ ժամի պարտադիր տանը լինել: Պարտադիր չէ բոլորով հավաքվել մի սենյակում: Մեզ պարտադիր չեն անջատում քնելուց առաջ: Պուլտի համար չեն վիճում: Պուլտ չեն փնտրում մեր ալիքը փոխելու համար…

Մենք ասում ենք…Նայեք ինչ Դուք եք ուզում, նայեք երբ հարմար է, նայեք ինչպես հարմար է, նայեք որտեղ հարմար է, նայեք քանի անգամ ուզում եք, նայեք ում հետ հաճելի է…եւ որ պակաս կարեւոր չէ` նայեք ինչով ուզում եք կամ ինչ ունեք. սովորական համակարգիչ, notebook, netbook, ipad, iphone…եւ այլն… Նոր տեխնոլոգիաները փոխել են ժամանակները, նոր մեդիաները նոր կենսաձեւ են թելադրում

Մենք առաջարկում ենք

Հեղինակային հաղորդաշարեր վերջին քսան տարիներին Հայաստանում նկարահանված եւ գրեթե չցուցադրված ամենատարբեր ֆիլմերի` հատկապես վավերագրական, սուր սոցիալական կինոյի, նորարարական թատերական ներկայացումների, նոր լույս տեսած լավ գրականության, ժամանակակից բարձր արվեստի, անցյալում տեղի ունեցած եւ հասարակությանն անհայտ իրադարձությունների, հայկական նորաձեւության մասին…Հաղորդումներ շոու բիզնեսի, աստղայինը “չտարած” աստղերի, համաշխարհային կինոինդուստրիայի նորությունների մասին, մանրամասներ լավագույն համերգներից, շոուներից, շնորհանդեսներից, հանդիպումներից, բանավեճեր ուղիղ հեռարձակմամբ` մարդկանց հետ, ովքեր սովոր են մտածել եւ արտահայտվել, փորձագետների կարծիքներ, հրատապ թեմաների քննարկումներ, բացառիկ հարցազրույցներ, կրեատիվ շարքեր, նաեւ խորհուրդներ մանկաբույժից, հոգեբանից, սեռաբանից, ոճաբանից, դիետոլոգից…/խորհուրդներ շարքը կարող է լինել նաեւ Ձեր առաջարկով եւ Ձեր մասնակցությամբ/, նաեւ բիզնեսը ներկայացնող Բիզնես Պրոմո ֆիլմեր, առաջին անգամ Հայաստանում`վիդեո բլոգային տարածքներ, հարցումներ, մրցույթներ, ֆոտո-բլոգ, վիրտուալ կինոդահլիճ եւ այլն…

Մենք խստորեն ընտրում ենք այն, ինչ ներկայացնում ենք Ձեզ…եւ Ձեզ չենք ներկայացնում այն, ինչ մենք չէինք նայի…

Մեր հաղորդաշարերն ու հաղորդումները, կրեատիվ շարքերը ցանցում հայտնվում են մեկը մյուսին հաջորդելով եւ շուտով ամեն ինչ ամբողջական կլինի,նոր ու հետաքրքիր նախագծեր կհայտնվեն:

Մենք առաջին անգամ Հայաստանի ինտերնետ հասարակությանը ներկայացել ենք 2010 թվականի սեպտեմբերին:

Մենք` որպես լիարժեք ինտերնետ հեռուստատեսություն` նոր ինտերֆեյսով, նոր հաղորդաշարերով, հատուկ նախագծերով, կրեատիվ շարքերով, գովազդային նոր հարթակներով, ցանցում ենք արդեն 2011թ. Մայիսի 20-ից:

Մեզ այսօր արդեն ամեն օր նայում են 500-ից 800 քաղաքացիներ:

Մեզ նայում են 65,43 % Հայաստանից, 34, 57 % արտերկրից, 45,26, % կանայք, 35,62  % տղամարդիկ, 19,12 % դեռահասներ, 80 % 18-55 տարեկաններ, 41,33 % Beeline-ով, 30,04 % Ucom-ով, 11,62% Vivacell-MTS-ով, 9,73 % Օrange-ով, 7,28% այլ օպերատորներով, 38,94  % Firefox-ով, 33,53% Google chrome-ով, 18,66% Explorer-ով, 8,87% Օpera-ով:

Facebook-ի մեր ոչ պաշտոնական էջում մեր բարեկամներն արդեն 2700-ին մոտ են ու նրանք գրեթե բոլորը մեր իսկական բարեկամներն են` կայացած, ճանաչված, հեղինակավոր, հանրային մարդիկ:

Մեր պաշտոնական էջին 5 օրում հավանություն տվողների թիվն անցավ 300-ը եւ հավանությունների շքերթը շարունակվում է:

Մեր գովազդային փաթեթն իր մեջ ընդգրկում է  ավանդական եւ կրեատիվ  լուծումներով 14 առաջարկ` շահավետ, մատչելի, թիրախային, գործնական ու կոնկրետ:

Մենք միացրել ենք ինտերնետը եւ հեռուստատեսության բոլոր լավագույն հնարավորությունները եւ Ձեզ առաջարկում ենք օգտվել դրանից…

Նկատի ունեցեք, որ բոլոր վճարունակներն այսօր ինտերնետում են…

Մենք պատրաստ ենք Ձեզ հետ քննարկել ցանկացած առաջարկ, տրամաբանական խոսակցություն ունենալ PR-ի, գովազդի, հասարակայնության հետ հարաբերությունների, ռեյթինգների, չափումների եւ մնացած այլ նման բաների մասին…եթե մենք Ձեզ չհամոզենք, Դուք մեզ հետ չեք համագործակցի: